AIFF Player of the Year chawimawina
dawngtute zingah Mizo player an tel lo!
Karliamta kartawpah khan All India Football Federation (AIFF) chuan Bhubaneswar khawpuiah 2024-25 football season-a chethate chawimawina hun a buatsaih a, lawmman dawngtute zingah Mizo footballer hming lang a awm lo!
Mohun Bagan Super Giant captain Subhasish Bose chu Men’s Player of the Year atan thlan niin, hmeichhe lama East Bengal FC striker Soumya Guguloth chuan Women’s Player of the Year lawmman a dawng ve thung.
Defender zinga AIFF Male Player award dawng thei pasarihna ni ta Bose-a kaihhruaina hnuaiah Mohun Bagan SG chuan an club history thar siamin Indian Super League an double a – League Winners’ Shield leh ISL Cup an hlawhchhuak.
Left-back Subhasish Bose hian goal bawh kawngah pawh an tlarhma luahtute a pui tha hle a, season liamta khan goal ruk thunin assist vawikhat a nei tel bawk.
ISL 2024-25 season-ah khan Indian player zinga Bose aia goal khung hnem awmchhun pahnihte chu Sunil Chhetri (12) leh Brison Fernandes (7)-te chiah an ni!.
Khelh 24-a point 56 hmuin table toppers nihna nen Mohun Bagan Super Giant chuan ISL Shield an hlawhchhuak a; trophy double turin Cup final-ah 2-1-in champion hlui Bengaluru FC an hneh leh a, ISL history-a title lian pahnih nena kum khar thei team pahnihna niin, 2020-21 season-a record lo siam tawh Mumbai City FC an nihrualpui chiah a ni.
Hmeichhe lama chawimawina sang ber dawngtu Soumya Guguloth pawh khan Red and Gold Brigade kuta Indian Women’s League (IWL) title a luh theihna kawngah a thawhhlawk a, goal kua a khung tling.
Jamshedpur FC boss Khalid Jamil chuan a zawna a vawihnihna atan Men’s Coach of the Year award dawngin, Indian Women’s League (IWL)-a kaithar Sribhumi FC pathumna nihpuitu Sujata Kar kutah Women’s Coach of the Year award a lut ve thung.
FC Goa midfielder Brison Fernandas chuan Most Promising Men’s Player of the Year chawimawina dawngin, tleirawl kum 18-a upa defender Thoibisana Chanu of Sreebhumi FC kutah Most Promising Women’s Player of the Year award hlan a ni ve bawk.
Mohun Bagan SG goal-veng Vishal Kaith chu Men’s Goalkeeper of the Year atan thlan niin, East Bengal star Panthoi Chanu chuan hmeichhe lamah goal-veng tha ber lawmman a dawng a, IWL lama match engemawzat an lama goal lut tur hum vang a ni.
Pitch leh touchline-a an chhawr rim berte zinga mi Venkatesh R chu Male Referee of the Year niin, Tekcham Ranjita Devi chuan Female Referee of the Year award a dawng ve thung.
Vairamuthu P chu Male Assistant Referee of the Year niin, Female Assistant Referee of the Year atan Riiohlang Dhar thlan a ni.
Tuntum AIFF award semah hian Mizo player-te hming a lang lo!
He award ceremony hi Odisha state khawpuia FC Goa leh Jamshedpur FC-in Kalinga Super Cup 2025 final an khelh hma chiaha huaihawt niin, AIFF President Kalyan Chaubey,Deputy Chief Minister of Odisha Kanak Vardhan Singh Deo leh mi langsar tam takn a hmunah an telpui.
AIFF Award 2024-25 dawngtute
-- Advertisement --
Men’s Player of the Year
Subhasish Bose
Women’s Player of the Year
Soumya Guguloth
Promising Men’s Player of the Year
Brison Fernandes
Promising Women’s Player of the Year
Toijam Thoibisana Chanu
Best Men’s Goalkeeper
Vishal Kaith
Best Women’s Goalkeeper
Elangbam Panthoi Chanu
Men’s Coach of the Year
Khalid Jamil
Women’s Coach of the Year
Sujata Kar
Male Referee of the Year
Venkatesh R
Male Assistant Referee of the Year
Vairamuthu P
Female Referee of the Year
Tekcham Ranjita Devi
Female Assistant Referee of the Year
Riiohlang Dhar
President’s special honour for coaching excellence
Ranjan Chowdhury
Most Successful MA (Club Competitions)
Indian Football Association (West Bengal)
Most Successful MA (NFC Competitions)
All Manipur Football Association and Indian Football Association (West Bengal)
Best MA for hosting most AIFF competitions
Assam Football Association, Indian Football Association (West Bengal) & Karnataka State Football Association
MA with most player registrations (men’s)
Western India Football Association (Maharashtra)
MA with most player registrations (women’s)
Western India Football Association (Maharashtra)
Special Award for MA launching new projects
Kerala Football Association & Nagaland Football Association
MA with most Grassroots activities
Western India Football Association (Maharashtra)
MA with most Coaching courses
Punjab Football Association
MA with most Refereeing courses
Kerala Football Association