Aikal lak duh vanga transfer dil an awm? – PZP

Aikal lak duh vanga
transfer dil an awm?
– PZP
Sawrkar hnuaia zirtirtu hna thawk, aikal an lak thu hriat a nih avanga an lak chhunzawm zel theihnana transfer dil an awm niin Pang Zirlai Pawl chuan an sawi.
Pang Zirlai Pawl (PZP) Gen. Hqrs. thuchhuak chuan, Mizoram sawrkarin zirtirtu aikal lak chungchanga hma a lakna an thlawpna thuchhuah an lo siam tawh bawhzuiin Vathuampui (Lawngtlai district) leh a chhehvel ngun takin an chhuichiang a, zirtirtu thenkhat sawrkar thu zawm duh lo, aikal la chhunzawm lo tura 2025 June 30-a ngenna thu an lo chhuah tawh, June 15 ralhmaa mahni thawhna hmuna awm theuh tura an ngenna zawm duh loa transfer dil an awm nia an hriat thu a sawi a ni.
‘PZP chuan Mizoram sawrkar leh Autonomous District Council huamchhunga zirtirtu aikal late hi, lak an nih ang leh an thawhna hmun theuha awm turin a lo hriattir tawh a. Mahni post-a awm peih loh avanga zirlaite ngaihtuah miah lo, zirtirtu indaih lohna a nasat laia thuneitu thenkhat hnena transfer lo buaipui chhunzawm thawm a awm thu hriat a ni. PZP chuan thuchhuah a siam atanga transfer dil leh buaipui an awm leh awm loh a chhui dawn a, an awm a nih chuan sawrkar thuneitute hma la turin a ngen a ni. Transfer order hmu thar an awm a nih chuan PZP-in a tawp thlengin hma a la dawn,’ a ti.
He thuchhuah an siam kaihhnawihah Vathuampui leh a chhehvel bikah politician-te chu inrawlh lo turin a ngen lawk tih PZP chuan a sawi bawk.