Airport cheithat mekin duhthu a sam lo hle – DoNER minister

DoNER ministry kaltlanga Lengpui Airport cheithat mek chuan duhthu a sam lo hle tih minister of state for DoNER BL Verma chuan a sawi.
Union minister of state for DoNER hi zan riakin Mizoramah official programme hmangin a rawn kal a. September 16 tlai khan BJP Mizoram office tlawhin thu a sawi. Mizoram a rawn luhna Lengpui Airport sak mek chu a enfiah nghal tih sawiin, duhthu sam lo hle mah se, sawrkar laipui suma sak a nih avangin a hun taka hna thawh zawh a nih theih nan hma la turin a hriattir a. Mizorama MLA inthlan neih hmaa zo hman tura hna thawh a ni tih a sawi.
Mizorama District Hospital pathum sakna tur sum pawh Mizoram tan an pe a, chu’ngte pawh chu hawn theih thuai an beisei tih Union MoS hian a sawi bawk.
BJP sawrkar PM Modi kaihhruai chuan hmarchhak state-ah development nasa taka a thlen theih nan hma a la a, development pawh a thleng mek tih a sawi a ni.