Aizawl khawpui bawlhhlawh khawntu lirtheite chu thla thum chhung an lirthei hman man pek an ni tawh lo chu nawr an tum a, an hlawhtlin loh chuan lirthei tlan loh an tintuah.
Aizawl Garbage Vehicle Owners Association (AGVOA) chuan Aizawl bawlhhlawh khawntu lirthei 151 chuan 2023 October atang khan an tlan man (bill) an la thei loa, lirthei enkawlna – oil man, driver leh helper hlawh pek reng a ngaih avangin an mangang tawh a, lirthei tlan rih loh mai an duh thin laiin mipuia harsatna a thlen tur ngaihtuahin, thuneitute ngaihchan leh phawt tha an ti a. January 8-13 thleng bill pe tura nawr nan an lirtheiah flag dum tarin, awmzia a nei lo a nih chuan January 15 atangin lirthei din tir an tum tih an sawi.
AGVOA chuan Aizawl Municipal Corporation huamchhunga veng 83-ah bawlhhlawh khawn lirthei hi State Transport Authority pawmpui rate ni lo, rate tlawm tak, per kilometre-a siam pawh ni lo, veng azira fixed rate-a tlan an nih avangin, thla khat chauh pawh lirthei hman man an lak tlai chuan harsatna an tawk thin a. Lirthei hman man thla thum an dawng tawh lo chu an buai hle tih a sawi.
Aizawl bawlhhlawh khawntu lirtheite tlan loh tintuah
Get real time updates directly on you device, subscribe now.
Prev Post
Next Post