Aizawl district-a CSS kalpui dan an thlirlet

Aizawl district-a CSS
kalpui dan an thlirlet
District Development Coordination &Monitoring Committee (DISHA) Aizawl member-te chu an chairman, Lok Sabha MP Richard Vanlalhmangaiha kaihhruaiin Thawhtanni khan an thukhawm.
Aizawl district atangin bialtu MLA pali – Aizawl East-I bialtu MLA, minister Lalthansanga leh Aizawl North-II bialtu MLA, minister Dr Vanlalthlana, Aizawl West I bialtu MLA, adviser to CM TBC Lalvenchhunga leh Aizawl South III bialtu MLA Baryl Vanneihsangi te an tel.
Thutkhawmah hian sawrkar kum kal mek, April- September chhunga Aizawl district-a sawrkar department hrang hrang hnuaia centrally sponsored scheme (CSS) a hmalakna thlirho niin, chak zawka CSS kalpui dan tur leh department hrang hrang inkara thawhhona tha zawk neih dan tur sawiho a ni.
Aizawl district-a CCS khawih department 27-a head/ aiawhten powerpoint presentation hmangin CSS hnuaia hma an lakna theuh leh hmachhawp an report a. MLA-te hian rawtna an neih sawiin, an thil hriatchian duh an zawt bawk.