Aizawl district-a vote chhiar dan tur ennawn

MLA inthlanpuia Aizawl district-a assembly constituency 12-a vote tla chhiar tura inpuahchahna chu Thawhlehni khan Aizawl district election officer Nazuk Kumar hoin sawiho a ni a. Counting centre te a hmunah enfiah a ni.
DEO chuan returning officer-te leh official mawhphurhna changte chu Election Commission of India-in dan a siam hre bel tura chahin, mahni mawhphurhna theuh tha taka hlen turin a hriattir a. Aizawl SP hnen atangin security chungchanga ruahmanna siam dan report ngaihthlak niin, senior SP Traffic chuan hemi ni atana counting centre tina lirthei dahna tur leh lirthei tlan dan siamrem a sawi a; I&PR joint director chuan media kaltlanga thupuan leh media mite tana ruahmanna siam ngaite a sawi bawk.
Thutkhawm zawh hian counting centre pathum – DC office, Assembly Annexe leh Govt Aizawl College Sikulpuikawn chu a hmuna tlawh niin, ruahmanna siam belh ngaite enfiah a ni.