Aizawl district-ah HIV kai an pung

Tunhnai kum 5 chhungin Mizorama HIV kai hmuhchhuah chu a sang zawnga a than vak tawh loh laiin, tunhnai kum 7 chhung hian Aizawl district-ah chuan HIV kai an pung hle thung tih sawi a ni.
District AIDS Prevention and Control Committee (DAPCC) Aizawl thutkhawma tarlan danin, tun dinhmunah India ram puma HIV kai 0.20% an awm laiin, Mizoramah 2.73% a ni a, Aizawl district-ah chuan 3.93% a ni. Kum 7 (2018- 2025) chhungin Aizawl district-ah hian thisen (general) 127429 endik atangin HIV kai 9600 hmuhchhuah a ni a. Nu naupai thisen 62124 endik atangin HIV kai 635 hmuhchhuah an awm.
Kum 7 chhunga HIV kai hmuhchhuah ten an kaina chu – mipa leh hmeichia inpawlna atanga kai 64.1% abn awm a, mahni anpui kawp leh kawp ve ve thei (bisexual) atangin 3.2% a ni. Inchiuna hriau inhman tawm atangin 30.4%, nu leh pa atanga fa in a kai 1.5% leh kaina sawi tur hre lo (not specified) 0.6% an ni.
Kum bithliahah, kum 14 hnuailam 1.57% (2023-2024 aiin 2024-2025 ah 0.3% in a pung), kum 15-24 inkar 20.2% (2023- 2024 aiin 2024-2025 ah 3.8% in a pung), kum 25-35 inkar 40.4%, kum 35-49 inkar 29.8%, kum 50 chunglam 7.8% (2023-2024 aiin 2024-2025 ah 0.6% in a pung) an ni.
8 Aizawl district-ah HIV kai theihna ‘chance’ nei sang (high risk group – HRG) enkawlna targetted intervention 14 a awm.
8 Kum 2024- 2025 chhung hian ruihhloa inchiu thin (IDUs) thisen 5877 test-ah HIV kai 66 hmuchhuah an ni.
8 Hmeichhe inzuar (female sex workers) thisen 500 endikah 12 hmuchhuah an ni.
8 Mipa mahni anpui kawp (MSM) thisen 8480 endikah HIV kai 90 hmuchhuah an ni.
8 A chunga HIV kai hmuchhuah thar zinga zaa 92 hi HRG (mahni inzuar, inchiu thin adt.) ni lo, mi nawlpui (general community) a mi niin, HRG atanga hmuchhuah hi zaa 7.9 chauh a ni thung.