Aizawl district-in pawt chak ber

Aizawl district-in pawt chak ber
District tin inelna inhruipawhah Aizawl district aiawhte an chak ber.
Mizoram Tug of War Association huaihawt 7th Mizoram State Tug of War Championship hi Ningani khan Ramhlun Sports Complex field-ah neih a ni a. A hawnna hmanpuitu Sports & Youth Services secretary Lalramsanga Sailo chuan, mitinin infiam leh insawizawi kan mamawh vek a, taksa insawizawi that loh chuan natna in min tlakbuak hma bakah ruihhlo dona atan thil pawimawh tak a ni tih a sawi. Tug of War game chu Mizo khelh chi tak nia a hriat thu a sawi bawk.
Tun tum championship-ah hian Champhai district tih loh district dang an tel kim a. Aizawl district chu team champion niin lawmnanah tropy, medal leh sumfai Rs. 60000 an dawng. Pahnihna Kolasib district-in tropy, medal leh Rs. 40000 an dawng a ni.
Mizoram Tug of War Association hian tum engemawzat national level-ah infiammi lo tir tawhin gold medal pawh tum thum an la tawh a ni.