Aizawl DTO suspend
Transport department atanga dan dik loa learner leh driving license lak nia sawi chungchangah Aizawl District Transport Officer chu suspend a ni.
Central YMA-in Aizawl DTO atanga dan dik lo leh sum sen tur aia tam senga learner leh driving license lak theih a nih dan an chhuina, a document nena an thehluhah a inhnamhnawihte an hrechiang thawhkhat niin Transport minister hnenah an lo sawi tawh a. Hemi bawhzuinaa nia ngaih theihin, October 17 khan Aizawl DTO Lalengthanga Hnamte chu driving license pekchhuah tur tih khawtlai kaihhnawihah chhuichian fel a nih hma chuan dan tlawhchhan hmangin suspend a ni tih Transport secretary chuan hriattirna a tichhuak.
Suspend a nih chhung hian phalna a lak theihna hnen atanga phalna a lak hmasak loh chuan Aizawl chhuahsan lo tura tih a ni a. Suspend hun chhung bituk sa a awm lo a ni.
Central YMA chuan Transport department atanga dan dik loa tunhnaia learner leh driving license pekchhuah chungchang an chhuinaah a inhnamhnawihte an hrechiang thawkhatah an ngai tih an sawi a. An chunga hma la turin Transport minister hnenah an document neihte nen ngenna an thehlut tawh a ni.
Aizawl DTO suspend
Get real time updates directly on you device, subscribe now.
Prev Post
Next Post