Aizawl East II Invitation Basketball Tourney Semi final lut tur hriat hnai

Aizawl East II Invitation Basketball Tourney
Semi final lut tur hriat hnai
Armed Veng Basketball Club buatsaih Aizawl East II invitation basketball tournament chu Armed Veng Community Center-ah khelh chhunzawm zel a ni a, nizan lama inkhel result kan hre hman lova, he chanchin hi i chhiar meuh chuan semi final khel tur vengte hriat an ni tawh ang.
Tuithiang vengin match hnih an khelh tawh a, an thiampuipa Hriata hovin rawn thawkchhuak mah se, match hnih khel tawhin a vanduai zawkah an tang ve ve a, semi final luh ngaihna a awm tawh lo.
Dawrpui veng tan an Local Council member Achhuana Khawlhring hovin thapui chhuahin an rawn inlan a; an match hmasa berah inelna buatsaihtu leh a thlengtu veng Armed Veng lakah chakin an hnawk nghal hle a, chutih rualin champion sawi ri ngam Chhinga Veng lakah an match hnihna ah an tlawm zui!
Nizan lamah inkhel en manhla tur zinga mi, Saron leh Armed Veng South bakah Armed Veng leh Chhinga Veng te an inhmachhawn a, tarlan tak angin inkhel result erawh kan hre hman lo!
Semi final hi August ni 26 zanah khelh tura ruahman a ni a, final hi August ni 28 zanah khel a ni ang.