Zirtawpni tlai dar 2:00 khan RG Stadium-ah MFA Under 17 inelna final khelh a ni a. Champion lai Aizawl FC chu an khingpui Chanmari FC chu 3-0 ngawtin an sawp a, a vawi thum nan phu takin an champion.
Inelna neih zawh taka khel tha tluang tak Aizawl FC hian final-a an khingpui leh an elpui lian Chanmari FC lakah bul an tan tha viau a, minute 10 chhungin goal hnih ngawt an thun hman. Aizawl FC tan hian inkhel tan atanga minute ngana lekah Lalhruaitluanga chuan hmahruaina goal a thun nghal. Hma takah goal an thun vangin an phur a, minute 10-na lekah Aldrin Lalpeksanga chuan goal a thun belh zui leh a, 2-0 a hmahruai chungin chawlhlawk an hmang.
Chawlhlawk hnu lamah inkhel a hmuhnawm zui viau a, an si phurh sut tum viau mah se Chanmari FC an hlawhtling thei lova, goal an chhuah belh leh ta zawk. Aizawl FC tan hian C Lalkhawngaiha chuan minute 79-naah an goal thumna thunin, an hmahruaina a tizau. Lalkhawngaiha goal thun hnu hian goal dang a luh belh tawh lova Aizawl FC chu MPL Under 17 inelnaah a vawi thum nan an champion zui ta a ni.
Kum 2025 atan bik MFA Under 17 inelnaah hian Aizawl FC forward Lalhruaitluanga chu top-scorer a ni a. Aizawl FC player pawimawh C Lallawmawma chu ‘Best Player’ ah thlan niin SYS FC chu Fair play team ah thlan an ni.
Aizawl FC U 17 an champion
Get real time updates directly on you device, subscribe now.
Prev Post