Pathianni khan Union Public Service Commission hnuaia preliminary examination chu Aizawl Centre ah neih a ni a, mi 800 vel exam hmachhawn zingah ruahman sak an nih angin Manipur buaina avanga an state-a exam pe thei lo Manipur Zofa mi 200 vel an tel.
Civil service preliminary exam tura Manipur tlangram atanga Kuki-Zomi-Hmar hnam lokalte hi Imphal Centre-a exam tura inziaklut tawhte an ni a. Manipur-ah hnam leh hnam inkara buaina leh tharum thawhna nasa tak a thlen tak avangin tlangrama chengte tan Imphal Centre-a exam theih a ni ta loa, Mizoram lamah Aizawl Centre-a exam tir an ni. A then chu a huhoin bus hmangin an rawn kal a, mahni ruahman anga lokal an awm bawk.
Govt. Mizo Higher Secondary School leh Govt. Hrangbana College Hall-ah te exam hi buatsaih a ni a. Tum dangah pawh Aizawl Centre-ah hian state thenawm atanga exam hi an awm awm nual thin hrim hrim nia sawi a ni. Kuminah erawh buaina avangin an tam lehzual nia hriat a ni.
Aizawla UPSC prelim exam ah Manipur Zofate tel
Get real time updates directly on you device, subscribe now.
Next Post