Aizawlah hmarchhak huap cricket inkhawmpui lian
Aizawlah hmarchhak huap
cricket inkhawmpui lian
Cricket Association of Mizoram (CAM) chuan 8th North East Cricket Development Committee Conclave (NECDC) leh 2nd Achiever’s Nite chu July ni 21, 2023 khan a thleng a; programme hi Aijal Club-ah neih a ni.“
Hetah hian NECDC member cricket asso-ciation paruk, he’ng – Meghalaya Cricket Association, Arunachal Cricket Association, Nagaland Cricket Asso-ciation, Manipur Cricket Association, Sikkim Cricket Association leh Cricket Association of Mizoram hruaitute in-hmukhawmin, chawhnu lamah ro an rel a, thil pawimawh tak tak rel chhuah a ni.
Zan lamah north east state paruk atanga season hman zawh taka player thate hnenah lawmman semna hun buatsaih a ni.
He hunah hian Mizo-ram chief minister Zoramthanga chu khual-lian a ni.
Lawmman hi cate-gory hrang hrang (mipa under 16, 19, 25, senior leh hmeichhe under 15, 19, senior) team-a player thate hnenah (best batter, best bowler, best wicket keeper) lawm-man sem a ni.
He’ng bakah hian Special Award (emer-ging player of the season leh men’s senior-ah player of the season) sem a ni bawk.
Tin, plate group atanga elite group-a kaichho Nagaland CA, Meghalaya CA leh Manipur CA-te hnenah lawmpuina pek a ni bawk.
He’ng lawmman sem zingah hian Mizoram/CAM atangin Thelma Laldinthari, Ainawn Vengin under 19 girls huangah best bowler lawmman a la a; mipa lam under 16 boys huangah Johan Lalbiak-kima, Ramhlun Venglaiin best bowler lawmman a la bawk.
2nd NECDC Achievers’ Nite
Tun cricket season liamtaa India hmarchhak state zinga cricketer chethate chawimawi zan North East Cricket Development Commi-ttee chuan a hmang nghal a; NECDC Achie-vers’ Nite vawi hnihna hi karliamta Zirtawpni zanah a buatsaih.
He hun hi Zoram-thanga chuan a hmanpui a; north east state-te zinga age group hrang hranga chethate hnenah chawimawina an hlan.
North East Player of the Season-ah Sikkim player Sumit Singh chu thlan a ni a; Emerging Player of the Season-ah P. Jotin Singh, Manipur chu thlan a ni.
Mizoram atangin Women’s Under-19 player Thelma Laldin-thari leh Boys Under-16 player Johan Lalbiak-kimate’n chawimawina an dawng.