Aizawlah International Half Marathon
Mizoram Sports & Youth Services department, Athletic Federation of India leh Innovations India Pvt. Ltd. tangho buatsaih, Aizawl International Half Marathon (AIHM) chu Inrinni zing khan neih a ni.
AIHM 2025-a tel mi 1500 chuang chu Inrinni zing dar 6.30 khan Sports & Youth Services minister Lalnghinglova Hmar chuan Rajiv Gandhi Stadium Mualpui atangin a vailiam a. Category pali – half marathon (km.21.1), open race (km.10), fun race (km.5) leh junior category (km.5) a then a ni. Aizawl khawpui chhuahlam World Bank Road-ah tlanin a bultanna Rajiv Gandhi Stadium-ah tawpna siam a ni a. Lawmman cheng nuai 10 sem chhuah a ni.
A kharna hmanpuitu larsap Gen. Vijay Kumar Singh (Retd) chuan a vawikhatna atan hlawhtling taka International Half Marathon Aizawl buatsaih a ni chu lawmawm a tih thu a sawi a. Tun aia changtlung leh liantham zawk, mipui ngaihhlut leh tam zawk tel theihna buatsaih tum a ni tih sawiin, tun tuma marathon-a tel zawng zawngin taksa hriselna leh insawizawi ngaipawimawha tun atanga lo inpuahchak lawka tlan leh turin a chah lawk.
Sports & Youth Services minister Lalnghinglova Hmar chuan thawhhona tha tak hnuaia hlawhtling taka International Half Marathon hmawrbawk a ni chu lawmawm a tih thu a sawi. Mizoram mai bakah state pawn atanga lotelte fakawm a tih thu a sawi. Nakumah Aizawl International Half Marathon chu buatsaih leh tum a ni, tiin, a hun atan Valentine’s Day – February 14 ruat a ni a, tun aia tam zawk an tel ngei a beisei tih a sawi a ni.
Aizawlah International Half Marathon
Get real time updates directly on you device, subscribe now.
Prev Post
Next Post