Aizawlah national seminar nei
Mizoram Christian College (MCC) buatsaih “India hmarchhak ramte khawtlang nunphung, ram inrelbawlna leh an hnam zia inher danglam dan zirchianna” tih thupui hmangin Ningani khan Aizawlah national seminar neih a ni a, Zirtawpni thleng a awh ang.
Seminar hawnnaah MCC principal Dr. Tawnenga chuan ram chhung leh pawn lam thlenga hlawkpui theih tur seminar standard sang tak, MCC faculty-te inpekna leh Seminar Organizing Committee thawhrimna zara a hlawhtling thei chu lawmawm a tih thu a sawi a ni.
Royal Global University distinguished professor Sajal Nag chuan Mizoram history leh India hmarchhak ram history pawimawh, ram leh hnamin hun pawimawh leh hun harsa a tawh avanga danglamna thleng, khuarel chhiatna avanga danglamna thleng, leilung inher leh sik leh sa inthlak avanga danglamna thleng leh hmarchhak rama thil thleng a sawizau a. Chu’ng thilin mihring nunphung leh khawtlang nun, ei leh bar thlenga a nghawng dan chu zirchian tur a tam a, a pawimawh tih sawiin, mithiamte zirchianna chu mipui hriatthiam leh hman tangkai phaka chhawp chhuah a tul tih a sawi.
Seminar Organizing secretary Dr Hannah Lalhlanpuii chuan seminar hi zirna huangchhung discipline hrang hrangin tangruala ram leh khawtlang tana thil pawimawh an zirchhuah a, an thawhho theihnana buatsaih a ni tih a sawi a. Department hrang hrang atangin research scholars leh faculty 67-in paper an present dawn a, Mizoram pawna zirna in 10 chuang atangin an rawn tel tih a sawi. School hrang hrang atanga panellist thlan chhuah mi 6-in an sawiho dawn a ni.
Aizawlah national seminar nei
Get real time updates directly on you device, subscribe now.
Prev Post