Insurance Regulatory and Development Authority of India (IRDAI) in hmachhawp a kalpui mek ‘Insurance for all by 2047’ tihhlawhtlinna program pakhat, state insurance thutkhawm chu Ningani khan Aizawlah neih a ni.
Mizoram sawrkar aiawha tel LESDE secretary Lalramsanga chuan Mizoramah insurance policy la an la tlem hle a, kan pun theihna turin a tam thei ang ber inhrilhhriat a pawimawh tih a sawi. Insurance policy thehdarh kawngah pawh a tam thei ang bera Mizo tawng hman a pawimawh, tiin, insurance lak dan leh a claim dante chu awlsam zawk, mipuiin an hriatthiam theih leh an rinngam tura siam a pawimawh tih a sawi. Mipuiin tam zawka insurance kan lak theihna’n insurance company-te chu a tul anga hma lakpui turin Mizoram sawrkar a inhuam reng tih a sawi bawk.
IRDAI aiawh Gautam Kumar chuan an hmachhawp chu kum 2047 ralhmaa India mipuiin insurance policy kan neih vek a ni, tiin, Mizoram chu India rama ziak leh chhiar thiam tam ber pawl state ni mah se, insurance policy nei an la tlem chu a pawi a tih thu a sawi a, insurance lamah nasa zawka inhrilhhriat a pawimawh tih a sawi a ni.
Aizawlah state insurance thutkhawm
Get real time updates directly on you device, subscribe now.
Next Post