Aizawlah tuialthei a tlem
Aizawlah tuialthei a tlem
Kar hmasa lam atangin Aizawlah tuialhthei a vang a, tun hnaiah a vang zual. Petrol pump-ah petrol leh diesel lak tur a awm mumal lo.
Kawng chhia vanga bungraw phur lirthei an tlan mumal loh hnuah tuialhthei phurtute pawh an tlan tha thei lo a, kar hmasa leh tun kara Aizawla tuialhthei thleng hi kawng chhiaa tang, eng tin tin emawa Aizawla lut theite phurh a ni a, chutiang chu beisei tur a awm lo tan tih thu dawn a ni.
Thu dawn danin, Nilaini khan tuialhthei phurtu lirthei pahnih an tlan tlang thei a, hemi hnuah hian kawnga tang, Aizawl tlan thleng thei mai tur a awm rih lo.
Food, Civil Supplies & Consumer Affairs department lam chuan kawnga tang an awm tawh rih lo tih hi an finfiah loh thu The Aizawl Post an hrilh a, Nilaini-a lirthei pahnih bak Aizawla lut an awm rih lo tih chu an hriat dan a nih thu an sawi.
“Zep thu a cheng lo a, inrenchem a ngai khawp mai. Petrol leh diesel hi a thleng tlem telh telh a, tuna kan hmuh zat hi chu kan indaih lo a, inrenchem hi a ngai,” department hotu pakhat chuan a ti.
Chutih rual chuan thil a danglam thei reng tih a sawi a, vawiin a thleng tlem a nih pawhin naktukah a thlen belh thei tia sawiin, “Kawnga tang an awm rih lo a nih pawhin Vairengte paltlanga lut thar an awm thei ve tho a, PWD te’n theihtawp an chhuah a, kawng a zia chuan thlen belh thei reng chu a ni,” tiin a sawi.
& Consumer Affairs department lam chuan kawnga tang an awm tawh rih lo tih hi an finfiah loh thu The Aizawl Post an hrilh a, Nilaini-a lirthei pahnih bak Aizawla lut an awm rih lo tih chu an hriat dan a nih thu an sawi.
“Zep thu a cheng lo a, inrenchem a ngai khawp mai. Petrol leh diesel hi a thleng tlem telh telh a, tuna kan hmuh zat hi chu kan indaih lo a, inrenchem hi a ngai,” department hotu pakhat chuan a ti.
Chutih rual chuan thil a danglam thei reng tih a sawi a, vawiin a thleng tlem a nih pawhin naktukah a thlen belh thei tia sawiin, “Kawnga tang an awm rih lo a nih pawhin Vairengte paltlanga lut thar an awm thei ve tho a, PWD te’n theihtawp an chhuah a, kawng a zia chuan thlen belh thei reng chu a ni,” tiin a sawi.