Akhilesh leh Anurag te inbei chiam

Lok Sabha-a Budget 2024 sawihona neihah Samajwadi Party chief Akhilesh Yadav leh BJP MP Anurag Thakur te chu Agnipath scheme avangin an inhnial na hle.
Uttar Pradesh-a Kannaugj MP Uadav chuan sorkara awm mipuite chuan an fak chungin ‘budget beidawnthlak’ tiin a sawi a. Budget ah hna nei lo, thalai leh thingtlangte tan engmah a awm lo a ti bawk a. “Chhungkaw chawm tur neite chuan naupang te zirna mai bakah kum upate enkawlna nen a hautakzia an hria a ni,” tiin Yadav chuan a sawi a.
Uttar Pradesh chungchang bik thlurbingin UP Chief Minister hlui chuan, “Make in India dream in pe a, Prime Minister thlantlinna a ni chungin Uttar Pradesh in project liantham kan nei der lo. IIM emaw IIT emaw kan nei em? Central institution eng nge din ve a nih? Samajwadi Party sorkar chuan Raebareli leh Gorakhpur ah AIIMS din nan ram a pe a, mipui ten an mamawh treatment an la em?” tiin a sawi a.
Uttar Pradesh a BJP te Lok Sabha-a an chet chhiat dan sawiin, “UP result atang khan in hnathawh dan a lang vek a lawm, thil tidik ula chuan khatiang mai khan in awm lovang,” tiin a sawi bawk.
Chumi hnuah Wasim Barelvi thusawi sawi chhawngin, “Dawt a sawi thiam em a, rin mai loh chu tih theih ka nei lo” a tih zui chu Opposition benches lamin an lawm hle.
Jharkhand-a rel chesual chungchang pawh sawiin Yadav chuan, “Sorkar in thuneihna a chan hnuah rail accident leh paper leaks competition a awm” a ti zui bawk.
Samajwadi Party chief chuan ruling party BJP te chuan loneitute sum lakluh a letin an tipung tam em a ti bawk a. “SMP (Minimum Support Price) kan pe ang in ti a, chuti si engatinge legal guarantee in pek duh si loh” a ti bawk.
Agnipath scheme chungchang sawiin Yadav chuan, “|halai sipaia tang duh ten an pawm lovang. He scheme kalpui a nih tirh khan industrialist te chu hna tha zawk a awm lo, Agniveer te hi kum li an service zawh hnuah kan ruai ang tih an tweet tir a ni,” a ti bawk a.
“Mahse sorkar chuan scheme tha a ni lo tih a hria a, chuvang chuan a nia BJP rorelna state sorkar te chu Agniveers te tana job quota siam tura an tihreng ni,” tiin a sawi bawk.
BJP MP leh Union Minister hlui Anurag Thakur-an a thusawi a lo hnial kalh hnuah Yadav chuan Agnipath chu scheme tha a ni tih sawifiah ta che tiin a thutsan a.
“Himachal Pradesh atanga lokal ka ni a, Param Vir Chakra awardee hmasa ber Major Somnath Sharma awmna atanga lokal ka ni. Kargil-a martar tam ber te kha Himachal chhuak an ni. Narendra Modi sorkarin a lawm One Rank One Pension demand rei tawh tak tihlawhtling ni. Agniveer hian 100% employment guarantee a nei” tiin Thakur chuan a sawi a.
Chutah Yadav chuan chhangin, “Chuti si enga tinge state sorkar ten Agniveer te tan quota pek a ngaih si. Military school chhuak ka ni a, Param Vir Chakras dawngte pawh kan chhiar nghauh nghauh thei,” a ti bawk.
Thakur ding ve lehin, “Military school a kal ve mai a ni a, kei chu Territorial Army captain ka ni tawh asin” a ti a.
Yadav chuan chhang let lehin Thakur chuan tun tumah minister a ni pha lo a ti a. “Minister a nih phak tawh loh avangin awm hle hle har a ti a ni, a hmelah a la na tih ka hre thei,” a ti zui a.
A thusawi tihtawp nan Samajwadi Party chief Akhikesh Yadav chuan Prime Minister Narendra Modi kaihhruai NDA sorkar chu kap hlakin, “He sorkar hi kal zel tur a ni lo, he sorkar hi tluchhe tur a ni,” a ti zui bawk.