Akshay-a’n vbc 25 chawi turin Paresh khin tum
Bollywood movie ‘Hera Pheri 3’ chuan boruak a nei thar a, he film hi siam tuma hma an lak vek tawh hnuah, he film-a Baburao lema chang, actor Paresh Rawal chuan a thulhsan leh thut mai a, hei hi a film siamtu Akshay Kumar-a production house, Cape of Good Films chuan thubuaiah lain, Paresh hi cheng vaibelchhe 25 chawi tir tumin an khing dawn tih an puang ta.
Hisdustan Times-in a tarlan danin Cape of Good Films hian Paresh Rawal hi legal notice pein, an film siam turah rokhawlhna a siam sak avangin cheng vaibelchhe 25 an phut thu hi an hriattir tawh a ni.
Cape of Good Films chuan contract an ziah fel tawh hnuah leh shooting an tan tawh hnuah inbansan leh thut mai hi a professional zia lo hle niin an tarlang a, Rawal hi he project atan hian a fee phut thin aia let thum laia sang zawk an pe niin an tarlang bawk.
Production house lam cuan Paresh hian film siam zawh pui a tum lo a nih chuan contract an ziah fel hma leh advance a dawn hmain a sawifel tur a ni a, tuna a chetdan hian he project atana sum tam tak invest tawh producer tan harsatna a thlen nasa hle niin an tarlang.
Paresh Rawal chuan director nena ngaihdan inan lohna avanga film siam chu thulhsan leh ta zawk a nih thu a sawi ve thung.
Akshay-a’n vbc 25 chawi turin Paresh khin tum
Get real time updates directly on you device, subscribe now.
Next Post