Al-Ettifaq manager thar Steven Gerrard

Saudi Pro-League club Al-Ettifaq chuan an manager thar atan Liver-pool legend Steven Ger-rard an ruat a, kum hnih daih contract an ziahpui.
Sum a tam vanga player lar tak takin an pan Saudi Pro-League in boruak an nei chhun-zawm zel a. Rangers leh Aston Villa manager hlui Steven Gerrard chu manager hming langsar ni turin an la lut leh ta. Gerrard-a enkawl tur Al-Ettifaq hi season liam ta khan Saudi Pro-League-ah 16-na daih an ni a, champion Al-Ittihad aiin point 35 zetin hnufual zawkah an tang. Steven Gerrard hnuaiah hma-sawn dawrh an inbeisei thu tih Al-Ettifaq chairman Khalid Al-Dabal chuan a sawi.
Gerrard-a club thar Al-Ettifaq hian EPL player langsar lak tumin hma an la zui nghal dawn a. Liverpool leh England midfielder Jordan Hen-derson leh Chelsea forward Pierre-Emerick Aubameyang te lak tumin an ngaihven nghal niin tarlan a ni.
Tarlan tawh angin sum a tam vangin Saudi Pro-League in player langsar a hip thar hle. Football-a chawimawina ngaihhlut hlawh ber ‘Ballon d’Or’ vawi nga ngawt dawng tawh Cristiano Ronaldo chu he hmun pan hmasa tu a ni a. Ballon d’Or chawi-mawina kawl mektu Karim Benzema-a’n a pan zui ve leh bawk. Ronaldo leh Benzema bakah hian Wolves midfielder Ruben Neves, Chelsea player pathum; N’Golo Kante, Kalidou Koulibaly leh Edouard Mendy te an lut zui ve leh a. Heng bakah hian Inter Milan player pawi-mawh Marcelo Brozovic chu Al-Nassr nen an indawr fel tawh niin tarlan a ni bawk. Al-Ettifaq in Garrard an rawih fel bakah hian Al-Hilal chuan Fulham manager Marco Silva chu kum khatah £17m zet hlawh turin an sawm bawk.