Alex Warren ‘Ordinary’ a la lar ber
Alex Warren ‘Ordinary’ a la lar ber
Alex Warren hla hit ‘Ordinary’ chuan hla naran mai mai a ni lo tih a la lantir zel a, Billboard Global 200 chart-ah a No.1 a, he chart-a kar 10 a No.1-na a ni ta. Hetihrual hian Netflix KPop Demon unters soundtrack hla pahnih chart top 10-ah a invawrh kai a, aespa ‘Dirty Work’ pawh top 5-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian khawvel ram hrang hrang 200 chuanga official-only streams (subscription leh ad-supported audio & video music services) leh download sales te chu tehna pawimawh a ni.
Alex Warren ‘Ordinary’ hian stream maktaduai 66 leh sales 11,000 a la nei thei a, streaming leh sales-ah hian kar kalta aiin a tam zawk lehngal. Tihian Billboard Global 200 chart-ah kar 10 a No.1 tling ta a, he chart-a kar 10 chin No.1 ni thei hla pasarihna a ni ta a ni.
Billboard Global 200 chart-a No.1 ni rei ber chu Lady Gaga leh Bruno Mars ‘Die With a Smile’ niin, 2024 leh 2025 chhungin kar 18 a No.1 thei a, Harry Styles ‘As It Was’ (kar 15, 2022), Miley Cyrus ‘Flowers’ (kar 13, 2023), ROSE leh Bruno Mars ‘APT.’ (kar 12, 2024-25), The Kid LAROI & Justin Bieber ‘Stay’ (kar 11, 2021) leh Alex Warren ‘Ordinary’ (kar 10, 2025) ten an dawt.
Netflix film KPop Demon Hunters soundtrack ‘Golden’-in stream maktaduai 48.4 leh sales 4000 neiin, No.52 atangin No.2-ah a invawrh a, he hla hi HUNTR/X, EJAE, Audrey Nuna leh Rei Ami te sak niin, he chart top 10-a an lan vawi khatna a ni.
KPop Demon Hunter soundtrack dang ‘Your Idol’-in stream maktaduai 37.6 leh sales 3,000 neiin, No.73 atangin No.10-ah a invawrh bawk a, he hla hi Saja Boys, Andrew Choi, Neckwav, Danny Chung, Kevin Woo leh samUIL Lee te sak a ni a, anni pawh he chart top 10-a an lan vawi khatna tho a ni.
Chart No.1 hlui Lady Gaga leh Bruno Mars ‘Die With a Smile’ chu No.3-ah bawk awm lehin, Sabrina Carpenter ‘Manchild’ chu No.2 atangin No.4-ah a tawlh ve thung.
Kpop hmeichhe group aespa ‘Dirty Work’-in stream maktaduai 46.4 leh sales 4,000 neiin, No.5-ah a debut a, he chart top 10-a an hla lang thei pahnihna niin, top 5-a an lan vawi khatna a ni. An hla ‘Whiplash’ chu nikum November khan No.8 a lo kai tawh.
Billboard Global 200
Top 10:
1 Ordinary – Alex Warren
2 Golden – HUNTR/X, EJAE, Audrey Nuna & Rei Ami
3 Die With A Smile – Lady Gaga & Bruno Mars
4 Manchild – Sabrina Carpenter
5 Dirty Work – aespa
6 APT. – ROSE & Bruno Mars
7 Back To Friends – sombr
8 Love Me Not – Ravyn Lenae
9 Birds Of A Feather – Billie Eilish
10 Your Idol – Saja Boys, Andrew Choi, Neckwav, Danny Chung, Kevin Woo & samUIL Lee