Alex Warren ‘Ordinary’ a lar ber

Alex Warren ‘Ordinary’ a lar ber
Alex Warren hla hit ‘Ordinary’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a a No.1 vawi khatna a ni. Hetihrual ian WizTheMC ‘Show Me Love’ pawh top 10-ah langin, he chart top 10-a WizTheMC lan vawi khatna a ni bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian kar khat chhunga ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Alex Warren ‘Ordinary’ hian kar khat chhungin stream maktaduai 82.5 leh sales 6,000 a nei thei a, hei hi chart-ah a No.1 pui ta a ni. He hla hi Billboard Hot 100 chart-ah pawh No.2 a kai a, Official UK Singles chart-ah No.1 a kai thei bawk.
Lady Gaga leh Bruno Mars ‘Die With a Smile’ chu No.1 atangin No.2-ah a tawlh a, he hla hi kar 18 chhung he chart-ah hian a No.1 thei a, he chart-a No.1 nih rei theihah kar 19 No.1 thei, Mariah Carey ‘All I Want for Christmas Is You’ dawttu a ni.
Chart No.1 hlui ROSE leh Bruno Mars ‘APT.’ chu No.3-ah bawka la awm a, chart No.1 hlui Billie Eilish ‘Birds of a Feather’ chu No.4-ah bawk la awmin, chart No.1 hlui Benson Boone ‘Beautiful Things’ pawh No.5-ah bawk a la awm.
WizTheMC ‘Show Me Love’-in stream maktaduai 37 leh sales 1,000 neiin, No.19 atangin No.10-ah a invawrh a, Toronto a inbengbel, South African-German multihyphenate tan hian chart top 10 a lan vawi khatna a ni.
Billboard Global 200 Top 10:
1 Ordinary – Alex Warren
2 Die With A Smile – Lady Gaga & Bruno Mars
3APT. – ROSE & Bruno Mars
4 Birds Of A Feather – Billie Eilish
5 Beautiful Things – Benson Boone
6 like JENNIE – JENNIE
7 Luther – Kendrick Lamar & SZA
8 Anxiety – Doechii
9 Lose Control – Teddy Swims
10 Show Me Love – WizTheMc