Alex Warren ‘Ordinary’ a lar ber

Alex Warren ‘Ordinary’ a lar ber
Alex Warren hla hit ‘Ordinary’ chu kar khat chhunga hla lar ber niin, Billboard Global 200 chart-ah a No.1 a, he chart a kar thum a No.1-na a ni ta.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official only-streams (subscription leh ad-supported audio leh video services) leh download sales te chu tehna pawimawh a ni.
‘Ordinary’ hian kar khat chhungin stream maktaduai 69.5 leh sales 12,000 a la nei thei a, hei hi chart-ah a kar thum nan a No.1 pui leh ta a ni.
Global 200 top 5 hi kar kalta chart nen a la danglam lo va, kar 18 chhung No.1 thei Lady Gaga leh Bruno Mars ‘Die With a Smile’ chu No.2-ah a la awm a, kar 12 No.1 ni thei ROSE leh Bruno Mars ‘APT,’ pawh No.3 a la ni a, kar thum No.1 ni thei Billie Eilish ‘Birds of a Feather’ chu No.4 a la ni a, kar sarih No.1 ni thei Benson Boone ‘Beautiful Things’ pawh No.5 a la ni.
The Weeknd leh Playboi Carti ‘Timeless’-in stream maktaduai 37.9 neiin, No.28 atangin No.10-ah a invawrh a, he hla hi nikum October kan chart No.3 te pawh a lo ni zak zak a, tunhnaiah Deochii tela remix an tihchhuah thar hnuah a rawn lar thar leh ta a ni.
Billboard Global 200
Top 10:
1 Ordinary – Alex Warren
2 Die With A Smile – Lady Gaga & Bruno Mars
3 APT. – ROSE & Bruno Mars
4 Birds Of A Feather – Billie Eilish
5 Beautiful Things – Benson Boone
6 like JENNIE – JENNIE
7 Lose Control – Teddy Swims
8 Luther – Kendrick Lamar & SZA
9 DTMF – Bad Bunny
10 Timeless – The Weeknd & Playboi Carti