Alex Warren ‘Ordinary’ a lar ber

Alex Warren ‘Ordinary’ a lar ber
Alex Warren hla hit ‘Ordinary’ chu Billboard Global 200 chart-ah a No.1 a, he chart-a kar riat a No.1-na a ni ta. Hetihrual hian J-Hope & GloRilla “Killin’ It Girl” leh Ravyn Lenae ‘Love Me Not’ te pawh chart top 10-ah an debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Alex Warren ‘Ordinary’ hian stream 2%-in a tlahniam nain, maktaduai 68.9 a la tling a, download sales pawh 5%-in a tlaniam a, 11,000 a la tling a, hei hi chart-ah a kar riat nan a No.1 pui leh ta a ni.
Sabrina Carpenter ‘Manchild’ chu chart No.2-ah bawk a la awm.
BTS member J-Hope leh GloRilla te hla thar “Killin’ It Girl”-in stream maktaduai 55.1 leh sales 43,000 neiin No.3-ah a debut a, J-Hope tan he chart-a BTS ang ni lo a Top 10 kai thei hla a neih hmasak ber niin, GloRilla tan pawh he chart top 10-a a lan vawi khatna a ni.
BTS member te hi group ang ni lovin he chart top 10-ah hian an lang kim ta a, Jung Kook lang ngun berin, vawi nga a lang tawh a, Jimin leh JIN ten hla thum ve ve nei tawhin, V pawhin hla hnih a nei tawh a, J-Hope leh Suga ten hla khat ve ve an nei tawh bawk. An group, BTS angin he chart top 10-a lang thei hla 11 an nei tawh bawk.
Chart No.1-a kar 18 lang thei Lady Gaga leh Bruno Mars ‘Die With a Smile’ chu No.3 atangin No.4-ah a tawlh a, chart No.1-a kar 12 lang thei ROSE leh Bruno Mars ‘APT.’ chu No.4 atangin No.5-ah a tawlh ta bawk.
Ravyn Lenae ‘Love Me Not’-in stream maktaduai 39.4 leh sales 1,000 neiin, No.11 atangin No.7 a kai thar a, he chart top 10-a Ravyn a lan vawi khatna a ni.
Billboard Global 200 Top 10:
1 Ordinary – Alex Warren
2 Manchild – Sabrina Carpenter
3 Killin’ It Girl – j-hope & GloRilla
4 Die With A Smile – Lady Gaga & Bruno Mars
5 APT. – ROSE & Bruno Mars
6 Birds Of A Feather – Billie Eilish
7 Love Me Not – Ravyn Lenae
8 Back To Friends – sombr
9 Beautiful Things – Benson Boone
10 Sapphire – Ed Sheeran

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More