All India Inter SAI Championship-ah medal 10

September ni 6, 2024-a Lucknow, UP-a khelh zawh tak All India Inter SAI Taekwondo Championship-ah Mizoram aiawha kal Lunglei leh Aizawl SAI kutah gold medal pakhat, silver pahnih leh bronze medal pasarih a lut.
Gold medal latu hi R. Vanrohlua, Lunglei Theiriat veng niin, Lunglei SAI-a zirlai a ni mek a, senior under 74 kg-ah khelin final-ah MP player hnehin a champion a ni.
Silver medal latute hi Aizawl SAI-a zirlai ve ve niin, Esther Vanthangpuii, Khawruhlian leh Linda Lalhmingsangi, Maubawkte an ni a; Esther hian Cadet Under 59 kg huangah Ladakh aiawh hneh loin silver a awrh a; Linda hian Cadet Under 49 kg huangah Assam mi hneh loin silver medal a dawng thung.
Bronze medal latute hi C. Vanlaldinpuia (Darlung), Elina Lalmuansangi (Thingdawl), A. Nyusa (Siaha), Lalruatdika (Pangzawl), Lalruatkima (Lawngtlai), B. Lalremruatsanga (Siaha Meisatla) leh H. Lalremruata (Theiriat)-te an ni.
Mizoram team hi SAI coach Durjeet Singh leh manager B. Lalchhuanchhuahite’n an hruai a; he championship-ah hian India ram chhung region 10 a\angin State Training Centre hrang hrang 20 an inel a, player 500 chuang an tel.

Mizoram tana medal latute

1. Vanrohlua – Senior U-74 Kg Gold medal
2. Esther Vanthangpuii – Cadet U-59 Kg Silver medal
3. Linda Lalhmingsangi – Cadet U-49 Kg Bronze medal
4. C. Vanlaldinpuia – Junior U-63 Kg Bronze medal
5. Elina Lalmuansangi – Cadet U-47 Kg Bronze medal
6. Lalruatdika – Cadet U-37 Kg Bronze medal
7. Lalremruata – Senior U-68 Kg Bronze medal
8. Nyusa – Senior U-63 Kg Bronze medal
9. B. Lalremruatsanga – Senior U-54 Kg Bronze medal
10. Lalruatkima – Junior U-51 Kg Bronze medal