Alzheimer’s lak atanga inven dan tur

Alzheimer’s lak atanga inven dan tur
Alzheimer’s natna hi kum upa lam natna, thluak cell a tichhiain, thluak cell a tihlum thin a, rilru leh ngaihtuahna a buai a, tar â kan tih angin an lo awm mai thin. Thil an theihnghilh a, mi an hriat reng thin hriat tak tlat loh te an nei a, an hun kal tawh theihnghilh tak tlat te pawh an nei thin. He natna lakah hian tih theih kan nei tlem hle a, chutih rualin Alzheimer’s lak atanga mahni kan him theih nana kum naupan deuh lai atanga tan lo lak theih dan a awm niin mithiam ten an sawi a kan rawn tarlang e.
1. Thil thar zir taimak tur a ni. Kum upat hnua Alzheimer’s natna lak atanga him kan duh chuan kum naupan deuh lai atanga thil thar zir taimak a pawimawh. Kan zir tam zawh poh leh kan thluak a chak mai dawn a ni. Thil thar zir kan peih vak lo a nih pawhin kan nuam tih zawng zir tur zawn thiam a tha, lemziah, milem ker, hlumbel siam, music zir, tawng thar zir bakah thildang pawh a tam ang. Kan thil zir chu a har zawh poh leh thluak tan a tha a ni mai.
2. I tluknaah i lu i sawh hliam emaw, i lu i tauh hliam emaw a nih chuan kum upat hnuah risk a awm thei a, ke a din ngil that theih loh, in-balance hleih theih loh te i nei thin a nih chuan balance exercise lak that a pawimawh. Exercise hian kan taksa a tichakin a tihrisel thin a, balance exercise hi kum upat hnuah Alzheimer’s natna risk tihniamtu tha tak a ni bawk.
3. BP sang neih hi lung tan a tha lo tih chu kan hre theuh, mahse, Alzheimer’s risk tisangtu pawh a ni ve tlat. Alzheimer’s kaihhnawih thluak natna nei ten thluaka thisenzam lama thil fel lo an nei duh hle. Chuvangin BP control hi lung tan a tha ang bawkin thluak tan pawh a pawimawh.
4. Ei leh inah fimkhur tur a ni. Kum upat hnua Alzheimer’s risk awm thei tihhniam nan kum naupan deuh lai atangin theih rah leh thlaihnah ei tam tur a ni, olive oil, nuts, artui, red wine te pawh a tha. Mediterranean diet zawm theih a tha hle.
5. |hian kawm tam rawh. Party-na vela a phusa bera tan lam a ni chuang lam, thian kawm tam a pawimawh a, min tihlim a, kan nih ang anga min pawmtu te bula awm tam a, thian kawm tam hi kum upat hnua Alzheimer’s risk tihniam theitu a ni.
6. Zan mut that a pawimawh. Zanah darkar 7 tal mut theih a pawimawh. Zan mut that hi taksa hrisel nan a pawimawh a, thluak tan pawh a pawimawh. Zan mut that loh hi kum upat hnua Alzheimer’s risk tisang theitu a ni.
7. Exercise la tha rawh. Taksa sawizawi that hi taksa hriselna atan a pawimawh ang chiahin thluak tan pawh a pawimawh. A lo berah kar khatah tuk li tal chu minute 30-40 exercise la thin ang che.