AMC Ward-III ah Anganwadi naupangte hriselna endik sak

AMC Ward-III ah Anganwadi
naupangte hriselna endik sak
AMC Ward No.III corporator C Lalchhandami leh Ward Committee ruahmannain an ward huamchhung veng hrang hranga Anganwadi Centre naupangte hriselna endik tan a ni.
Thawhlehni khan Laipuitlang Anganwadhi Centre-ah bul tanin, doctor, nurse leh health woker-ten naupang hriselna uluk takin an endik a. Naupangte mamawh ang zelin damdawi thahnem tak a thlawnin an sem.
Corporator C Lalchhandami chuan, hriselna kawngah enkawlna aiin inven a pawimawh zawk tih a sawi a. Tunlaiin kan la hriat ngai loh natna mak tak tak leh khirh tak takin Zoram a tuam mek avangin, naupangte hriselna ngaihpawimawh chu nu leh pa, pi leh pu bakah chhungte mawhphurhna pawimawh tak a ni tih hriat a tul hle tih a sawi.
AMC Ward-III huamchhunga Anganwadi naupangte hriselna endik vek an tum a, veng tahtawl zelin hma an la dawn a. Khawtlang mipui, nu leh pate thlawpnaah lawmthu a tih a sawi a ni.