American Idol Season 24-ah judge ngai \hu leh dawn

Carrie Underwood, Luke Bryan leh Lionel Richie te chu zaitiam intihsiakna TV show, American Idol season 24-ah judge panel-ah an awmho leh dawn a, Idol season 24 hi 2026-a neih tur a ni.
Carrie Underwood hi 2005 khan American Idol Season 5 winner niin, nikum atangin Katy Perry thlakin judge-ah a rawn thu tan a, Lionel Richie leh Luke Bryan te hi chu 2018 atangin judging panel-ah an awm tawh. He show an neih tan atanga host la ni ngar ngar Ryan Seacrest pawhin season tharah hian a hna ngai a chelh leh dawn niin report a awm a, mahse, hei hi chu official-a puan a la ni lo.
American Idol season thar hi 2026-a tihchhuah tan tur ni mah se August ni 26 atangin virtual audition an kick off a, US state 50 bakah Washington, D.C.-ah te neih a ni ang.