Amit Shah-a’n West Bengal a tlawh dawn

Amit Shah-a’n West Bengal
a tlawh dawn
Union Home Minister Amit Shah chuan naktuk, October ni 27 hian West Bengal a tlawh dawna sawi a ni a, an party membersip drive tlangpui tlangzarhna a nei dawn nia sawi a ni.
Union Minister for Cooperation ni bawk Shah hian a cham chhung hian sorkar programme siam dang pahnihah a tel dawn bawk niin Bengal sorkar chuan a sawi.
Sorkar thuchhuahin a tarlan danin, nimin khan Shah hian Bengal hi thlengin, naktuk hian sorkar programme siam pahnihah a tel dawn a, hengte hi a hma atanga ruahmanna lo siam tawh a nih thu sawi a ni.
Bengal BJP state president leh union minister Sukanta Majumdar chuan, Amit Shah hian an party membership drive programme a hmanpui tur hi a sawi chiang a, chubakah an state BJP hruaitute nen close-door meeting an neih dawn thu a sawi bawk.
Tun tuma Amit Shah-a’n West Bengal a tlawh hi April-May thla hnua Lok Sabha inthlanpui neih hnua central lam hruaitu lawkin an state a tlawh leh hmasak berna tur niin, an thusawi turah hian RG Kar hospital chungchang pawh an sawi rin a nih thu party hruaitute chuan an sawi a, an thutlukna tur erawh hriatthiam a la har thu sawi a ni bawk.