Amit Shah hoin Manipur buaina chungchang ngaihtuah
Union home minister Amit Shah chuan nimin khan Manipur-a venhimna dinhmun thlirletna meeting neiin, hmarchhak state-a thil thlen dan leh buaina hmachhawn dan tur ruahmannate a ngaihtuah thu sorkar laipui chuan a sawi.
He meeting-ah hian national security advisor Ajit Doval, union home secretary Govind Mohan leh intelligence bureau director Tapan Deka bakah official lawk tak takte an tel a ni.
Amit Shah hi Maharashtra election campaign-a tel tur niin, pathianni khan a thulh thu a sawi a, Manipur buaina chungchang thlirlet tura station a chhuahsan loh thu sawi a ni.
Nikum May thla atanga hnam leh hnam inkara buaina chhuak vangin Manipur-ah hian buaina a la reh hlei thei lo a, tun hnaiah hmeichhia leh naupangte thlenga nunna chan an awm tak avangin buaina hi a punlun lehzual hle tawh a ni.
Union home minister hova an meeting thutlukna hi he thu ziah lai thleng hian puanzar a la ni chiah lo a, central hian khauh lehzuala an ram dinhmun thlir chunga hma a lak ngei ring an tam hle.
Amit Shah hoin Manipur buaina chungchang ngaihtuah
Get real time updates directly on you device, subscribe now.