Pathianni zana Spanish La Liga khelhah champion thar FC Barcelona chu an mikhual Villareal hneh lovin an tlawm. Barcelona an tlawm laiin trophy lak nei lova season hmang zo tur Real Madrid in Mimualah hnehna an chang ve thung.
Champion thar Barcelona hian an mualah goal an chhuah hma hle. Inkhe tan atanga minute 4-na lekah Villareal tan Ayoze Pérez chuan hmahruaina goal a thun nghal. Rei tak si an phurh hnuin rawlthar duhawm Lamine Yamal chuan minute 38-naah goal thunin an si phurh a sut a, Fermín López chuan minute 45+5-ah an goal hnihna a thun zui leh a, 2-1 a hmahruai chungin chawlhlawk an hmang.
Chawlhlawk hnu lamah Villareal an khel tha chhunzawm a, goal hnih an thun belh leh. Santi Comesaña chuan minute 50-naah goal thunin an si phurh a sut a. Hun tawp dawn hnaih minute 80-naah Tajon Buchanan chuan hma an hruai letna goal a thun a, Villareal hian champion thar Barcelona chu an tualzawlah ngei 3-2 in an hneh zui ta a ni.
Pathianni zana inkhel dangah Rael Madrid chuan Kylian Mbappe leh Jude Bellingham te goal thun hmangin mualneitu Sevilla an hneh ve thung.
An mualah Barca an tlawm
Get real time updates directly on you device, subscribe now.
Prev Post