An mualah United an tlawm

November 24, Thwahlehni zan khan English Premier League khelh chhunzawm a ni a, Old Trafford a inkhelh hmuhnawm takah mualneitu Manchester United chu Everton hneh lovin an tlawm. United hi tam zawk ni chungin minute 70 chuang zet an inlan naa Everton lakah tlawm an pumpelh thei chuang lo. Tam zawk ni chunga Old Treafford-ah ngei an tlawm hi Red Devils tan mualphona lian a tling.
United hian Old Trafford-a an mikhual Everton lakah bul an tan chhe lo viau a, goal an thun nghal teuh hle. Captain Bruno Fernandes chuan goal thun theihna hun tha a nei a, pet tha viau mah se Jordan Pickford a paltlang zo lo. An hun tha neih hmasak an hlah hnuin United hian hun tha an nei zui leh nghal, Bryan Mbeumo chuan penalty hlawhchhuak-ah inngai mah se a hlawhtling zo lo. Hemi tum hian Bruno Fernandes-a’n hun tha a nei nawn leh a, uiawm takin a hun tha neih a chhawr tangkai zo lo nawn leh a, Toffees an him hram hram zel.
Goal an chhuah teuh em vangin Everton player pahnih Idrissa Gueye leh Michael Keane te an inhnial buai. Gueye hian a khelhpui Keane hi a hmaiah tak a beng siah. An boruak tan tak hi si nghak Pickford chuan hmet dai thuai mah se Idrissa Gueye hian hnawhchhuah a pumpelh thei chuang lo va, minute 13-na lekah hnawhchhuah a ni. Hun tam zawk kim lo chunga inlan an ngaih vangin Everton hmabak a hau tak hle a, Old Trafford-ah an tlawm ngei a rinawm hman hle.
Tlem zawk ni bawk mah se Everton hi huaisen takin an inlan a, United lakah tlem zawk an ni tih hriat loh khawpin an khel tha. Fuh taka an khingpuite an nawr tlang hnuin Kiernan Dewsbury-Hall chuan minute 29-naah duh zetin a pet goal a, Everton hmahruaina goal a thun.
Goal thun hmasa zawk an nih vangin Everton an phur a, Old Trafford-ah point hlawhchhuah ngei tumin tan an khawh. United in an si phurh sut ngei tumin tan an khawh a, hlauhawm pawh an siam zauh zauh. Hun tawp dawn hnaih lamah Joshua Zirkzee chuan goal a thun teuh hle a, Everton si nghak chetha tak Jordan Pickford chuan pui zetin Zirkzee hun tha neih a lo tih thlawnsak a, an team a chhanhim nawn leh. United hian an si phurh sut tum viau mah se an mahni aia tlem zawk Everton lakah goal an thun thei lo tluan a, an mualah ngei mak tak maia tlawmin an mualpho zui hle a ni.
Everton lakah an tlawm vangin United hian parukna nih theihna hun tha an neih an chhawr tangkai zo lova, khelh 12 atanga point 18 hmuin 10-na an luah chhunzawm. United hnehtu Everton hi 11-naah an inhlangkai a, champion lai Liverpool chungah an awm thar. Toffees hian khelh 12 atangin point 18 an hmu a, United leh Liverpool te nen an point hmuh a inzat mek.
An muala tlawm United hian hma an sawn chho a, inrintawkna sang zawk nen hma lam an pan mek. Fak an hlawh chhoh tan laiin an mualah ngei an mahni aia tlem zawk leh nghal lakah an tlawm leh ta mauh mai a. Reuben Amorim enkawl United hi rin dan tawk thiam an har hle. Team lian ngam viau thian mah se an hneh ngei tura ngaih laka tlawm khut an hrat a, hei hi an mutan lian a tling.
mirates Stadium-ah Arsenal in an mikhual Tottenham an ngam viau a. An player pawimawh Matin Odegaar, Gabriel Magalhães leh Viktor Gyokeres te awm lo mah se nipui bazar laia an lak luh Eberechi Eze a vul viau a, hattrick siamin Gunners a chakpui.
United manager Amorim chuan a player te chu chak tumna nei lian tawk lo niin a ngai a, a duhkhawp lo hle. Goal an chuah tep vanga Everton player te intibuai chu a awt hial a. |an luat vanga insual tum ut ut awm ve duh a thu thu a sawi hial a ni.