Animal Welfare Board aiawhin Mizoram tlawh

Animal Welfare Board
aiawhin Mizoram tlawh
Animal Welfare Board of India (AWBI) aiawh Dr RB Chaudhary chuan November 17-20 chhung khan Mizoram a rawn tlawh a. AH & Vety department hotute leh AMC hotu a kawm bakah ran enkawlna hmun a tlawh.
A cham chhung hian AH & Vety director Dr R Zothanmawii leh nodal officer-te hmu in, Animal Welfare Board of India din chhan leh hmalak tum dan a sawipui a. JB Foundation din Animal Rescue Centre Bungbangla pawh tlawhin, Centre dintu Ramzirsangi leh Lalrokimi Pautu ten an fankual pui bakah hma an lak dan an lo hrilhfiah a ni.
Ran hmangaih avanga thahnemngaiten ran chhanchhuahna hmun, Animal Rescue Center changtlung tak an din thei chu lawmawm a tih thu Dr RB Chaudhary hian a sawi a. A hmunhma hman hawhtirtu AH & Vety department chungah a lawm tih a sawi a ni.
Animal Rescue Centre Bungbangla-ah hian tunah ui 40, kel 1, zawng 1 leh zawhte 12 enkawl mek an ni a. Ran enkawl chhunzawm theih loh, tihduhdahna tawrh vanga lak leh neitu awm lo khawlaia chharte chu he hmunah hian enkawl an ni a. A enkawlna senso hi mi tlawmngai, ran hmangaihtute sum thawhkhawm tlingkhawm atanga ruahman a ni deuh ber.
AWBI aiawh hian JB Paws Hospital Thuampui pawh tlawhin thawktute a kawm a. Aizawl Municipal commissioner Joseph H. Lalramsanga hmuin Animal Welfare chungchanga hmalak theihna tur leh mawhphurhna chungchang a sawipui a ni.
Animal Welfare chungchangah Dr RB Chaudhury hian hmarchhak state hrang hrang a tlawh mek a ni.