Antwerp lakah Barca tlawm

Kum 1957 hnu lama a vawikhatna atan do-mestic title lain Belgian champion Royal An-twerp chuan Champions League an khel a, Group H match nga an khelh tawhah la tlawm fai vekin, Nilaini zan khan an group match hnu-hnungberah hmahruaitu ni chunga tlang chiang tawh Barcelona mi-khualin, 3-2 hnehna nen an club chanchina a vawikhatna atan Uefa Champions League game-ah hnehna an chang a, he result avang hian 2023-24 group stage-ah point hmu loa tla an awm ta lo a ni.
Champions League group stage match vawi-nga an khelh tawh a\anga goal 15 tehreng chhuah tling Antwerp hian bul \an fuh hmasa ve reng rengin, \an a\anga second 90 an khel tling hlawt tihah rawlthar beseiawm Arthur Ver-meeren chuan Antwerp hmahruaina goal khungin, Barcelona hian half-time hma minute 35-ah Ferran Torres goal hmangin an siphurh an sut a, half time-ah chungnung zawk an awm rih lo phawt.
Second half tir lam minute 56-ah Vincent Janssen chuan mualneitu team hmahruai nawnna goal thawh lehin, he goal hi Belgian team hian an chakpui thei mai tawh dawna a lan hnu hun pekbelh minute khatna a herliam hma chiahin rawlthar kum 17 mi lek Marc Guiu chuan Catalan team siphurh sutna goal a thun ve leh a, chak ni hmel hmu loin Antwerp an tla nge nge dawna ngaih loh a har!
Chu erawh a thleng ta chiah lo a, Guiu goal an thah fel hlawt tihah rawltar dang George Ilenikhena chuan 3-2-a mualneitu team chakna goal ni zui ta a thun a, an Champions League debut-ah Antwerp chuan chak ni hmel an hmu ve ta nge nge a, an hnehte kha European com-petition-a milian lo ni tawh Barcelona ngat an nih bawk avangin an club chanchina hnehna lian ber pawl a nih phak ngei a rinawm.
Nilaini zan Group H inkhel dangah Porto chuan 5-3 ngawtin an mikhual Shakhtar Donetsk an hneh a, an group-a pahnihna ni chungin Catalan team hnungah round of 16 an lut ve bawk.