N. Kiran Kumar Reddy, Andra Pradesh (AP) inthendarh hmaa Chief Minister ni hnuhnung ber chuan Union Minister Prahlad Joshi, national general secretary Arun Singh leh OBC Morcha national president K. Laxman telpuina hnuaiah BJP a zawm.
AP thendarh nasa taka dodaltu leh mahse Congress high command-in a uksak duh loh niin Kiran Kumar Reddy hian ‘ball hnuhnung ber vawm a nih hma chuan chak zawk an la awm lo’ tih tawngkam lar tak neiin politics a luh hmaa first class cricket a batsman tha tak tia sawi thin a ni.
Kiran Kumar Reddy chuan an chhungkua chu kum sawm sarih chuang Congress an nih tawh thu sawiin mahse chu chu chhunzawm reng tul a ti tawh lo a ti a, Congress te chuan tihsual nei rengin State pakhata thuneihna an hloh hnuah hloh belh zelin BJP te chu Prime Minister Modi, Home Minister Amit Shah leh BJP national presdient J.P. Nadda te kaihhruaina hnuaiah an chak tial tial a ti bawk.
Congress party chuan party-a thuneitu tenau zawkte rawn duh lovin leh thutlukna inberawn tlanga siam lovin chunglamin thuneihna an siam khum bur bur chu an tlakhniamna chhan a ni a ti bawk a.
Kiran Kumar Reddy chuan BJP te chuan commanding position an luah mek tia sawiin party-in ti tura a tih apiangte bawhzui turin a inhuam thu a sawi bawk.
Kiran Kumar Reddy hi June 2014 a Cogress-in Andra Pradesh a thendarh dawnin duh lovin Congress atangin a bang a, Jai Samaikyandra Party (JSP) zawmin kum 2014 inthlanah erawh an che chhe hle a ni.
Kum 2018 khan Congress-ah a let leh a, mahse, tunah a bansan leh ta a ni. Kum 2010-a CM nihtir a nih hmain Kiran Kumar Reddy hi sorkar chief whip leh Legislative Assembly Speaker a ni tawh bawk.
AP hun lai Congress CM hluiin BJP zawm fel
Get real time updates directly on you device, subscribe now.
Prev Post
Next Post