Apex Bank CD ratio 70%

Apex Bank CD ratio 70%
Mizoram Cooperative Apex Bank-in an sum kawl atanga loan an pekchhuah chu za zelah 70 a ni mek.
MCAB Ltd. Board of Directors chu Ningani khan an thukhawm a. Bank inrelbawlna thlirho bakah bank policy thar duan an pawm.
Loan dilna 97 pek an remti a. Mimal leh pawl atangin agriculture, sumdawnna, Bana Kaih leh biak in sakna loan an ni. A vaia loan pekchhuah remtih zat hi cheng vaibelchhe 27.30 a ni.
Tuna Apex Bank-a deposit hi cheng vaibelchhia 1796 niin, loan pek chhuah hi vbch. 1263 a ni. Sum kawl atanga loan pekchhuah tehfung CD Ratio chu zaa 70 a ni mek. Apex Bank hian branch 35 neiin sawrkar kum kal mekah Zemabawk leh Saipumah branch thar hawn belh tum a ni.
Thutkhawma tarlan danin, Mizoram-a society PACS (primary agricultural credit society) hrang hrang computerization thawhkhatna atan PACS 24 computerize tawh niin, a thawhhnihna kalpui mek a ni. PACS 25 dang computerize tura zawh tep a ni.