Apple kawrin BP sang tur veng thei

Apple i ei reng rengin a kawr vel loin ei thin ang che, apple kawr hian blood pressure sang tur a veng thei niin mithiam an sawi.
Canadian scientist ten zirchianna an neih atangin apple hian antioxidant a pai hnem hle a, green tea leh blueberrie te ai pawhin antioxidant leh chemical compound chi khat flavonoids an tih chu an pai hnem zawk a, chu chu nunna atan pawha hlauhawm thei natna hrang hrang lo bei lettu tha tak a ni.
Nova Scotia Agricultural College-a mithiam ten apple kawr leh apple tak chu an test hnuah, a kawr chuan a tak aiin hypertension leh BP sang thlentu enzyme, ACE an tih mai, insiam tur a let rukin a veng chak zawk niin an sawi.
Zirchianna neitu te chuan, “Apple chu khawvela thei ei hlawh ber leh hriat lar ber pawl a ni a, a kawr-ah hian flavoniods a tam hle a, chu chu kan taksa tan a tha hle a, apple kan ei reng rengin a kawr vel lo va, a kawr nena ei ngei tur a ni,” an ti.
He zirchianna chungchang hi journal Food Chemistry-ah tarlan a ni.