Gabriola Island, British Columbia a ar pakhat, Lacy tia a hming an phuah chu a fing riau mai a, minute khat chhungin hawrawp chi hrang paruk, number leh rawng te dik takin a thliar hrang thei a, Guinness World Record a siam a, a record siam chu ar zinga minute khat chhunga thiam thil entir tur ngah ber record a ni.
He ar i veterinarian Emily Carrington-i vulh a ni a, nikum khan ar paruk chu tui tir tumin a lei a, a ar te chu thiam thil chi hrang hrang a zirtir a, hawrawp leh number te a thliar hran tir thiam ta thlap mai a ni.
Emily chuan, “Number emaw hawrawp emaw chuk kauh tura ka zirtir chauh an chuk thiam a, hawrawp leh number dang te nena dah pawlh pawhin ka zirtir ang hawrawp leh number chiah an thlang thiam,” a ti.
Emily chuan an ar panga te chu record siam tir a tum vek a, mahse, Lacy hi che tha berin, record a siam ta a. “Ar te hi â tak ni turin kan ngai a, he ngaihdan hi thlak ka duh, ran fing tak an ni. Ran dang te pawh hi en ila, â tak tura kan ngaih te pawh hi kan rin aia thil zir thiam tir theih vek an ni tih hi kan hriat a tha ka ti hle mai,” a ti.
Ar fingin record siam
Get real time updates directly on you device, subscribe now.