Arakan Army-in khawpui pawimawh an la

Myanmar ethnic minority group te chuan an fighter te chuan western Rakhine State a khawpui pawimawh tak an la tia sawiin chu chu Junta te tan chuan channa turu tak a ni thung.
Nikum November thla atang khan Arakan Army (AA te chuan kum 2021 a military coup hnua inkahhaina a tawp hnuah Rakhine state ah security forces te an bei chamchi a ni.
AA fighters te chuan ram zau tak an thuhnuaiah dah tawhin chung zingah chuan India leh Bangladesh nena inrina hmun thui tak a tel a, Junta te chuan hmun hrang hrangah armed group te a beih a ngai bawk si a, hmunkhat chauh a thlurbing thei bawk si lo a ni.
AA te chuan an telegram channel kaltlangin ‘Northern Rakhine State a Buthidaung a Maynamr Army hmunpui tinte chu kan thuhnuaiah kan dah tawh’ tiin an tarlang a. An thunun zingah hian military strategic headquarter pawh a tel tiin an saiw bawk.
Buthidaung hi State capital Sitttwe atanga 90 km vel leka hla a awm niin Sittwe erawh Junta te thunun mek a la ni thung.
AA te hi Myanmar border region a ethnic minority group tam tak zinga pakhat niin a tam ber te chuan kum 1948 a Britain atanga Myanmar a indan atang khan autonomy leh natural resources hausa tak neitu nih duhin Myanmari sipaite nena inbei char char tawh an ni.
AA te thil tum ber chu ethnic Rakhine population te tana autonomy sang zawk neih a ni a. AA leh Myanmar sipaite inbeihna avang hian kum 2019 khan mi 200,000 velin in leh lo an chhuahsan phah tawh a.
Rakhine state-ah vek hian kum 2017 khan Myanmar sipaite chuan Rohingya minority te suatin chu chu tun thlengin United Nations genocide court case la kal mek reng a ni bawk.