Arsa siam tam record siam

Inrinni kalta khan Concepcion del Uruguay, Argentina-ah arsa kg 8,672 an hem hmin a, tum khata arsa hem hmin tam ber record an siam. He record siam arsa hem hminpui hi Concepcion del Uruguay khaw kum 242 tlin champha lawmna niin, an khuaa arsa company Fepasa ten kum 60 tlin champha lawm nan he event buaipuitu zingah hian an tel ve bawk a ni. Hmun zawl zau takah thuk thahnem tak siamin, arsa hem beihpui hi an thlak ta a ni.
A hmaa arsa hem tam record chu Maldonado, Uruguay-ah March 2016-a an siam niin, hemi tum hian arsa kg 7,000 an kang a, tunah hian record thar an rawn siam ta a, an khaw mayor Jose Eduardo Lauritto chuan, “He ni hi engtikah mah kan theihnghilh tawh loh tur, kan khaw tana ni chhinchhiah tlak a ni reng tawh ang,” a ti.