Arsenal-in Madueke chhawr thei rih dawn lo

Arsenal-in Madueke
chhawr thei rih dawn lo
Pathiannia Manchester City nen goal khat ve ve thuna an inhnehtawk tumin Arsenal forward Noni Madueke chuan a khup a tina a, a chawlh rei zawng tur chiang faka sawilawk theih ni lo mah se chawlhkar li atanga chawlhkar ruk thleng a ni thei tih Gunners manager Mikel Arteta chuan a sawi.
Kum 23 leka upa la ni England winger Madueke hi City game-a a intihnat hnu khan Bukayo Saka chuan thlakin, a hliam dinhmun enfiah a nih hnuah an anterior cruciate ligament (ACL) injury ni loa ngaih ni mah se hun rei tawk fang tak chu a chawlh a ngai zui dawn ta tho a ni.
Kumin nipui insuan hun laia Chelsea atanga an sengluh Madueke hi Premier League match-ah khan half-time laia thlak niin, a hliam dinhmun leh a chawlh rei zawng tur dik zawka chhut thei turin he thu buatsaih lai thleng hian test la tih kal mek a ni.