Article371(G) awm lo mahse BERF-ah kan him daih tawh – Chief minister

Article371(G) awm lo mahse BERF-ah kan him daih tawh
– Chief minister
India danpuiah Article 371(G) awm lo mah se, Bengal Eastern Frontier Regulation-ah Mizote tan himna a awm tawk tih chief minister Lalduhoma chuan a sawi.
Assembly Session-ah ram neitu kan nihna chu Bengal Eastern Frontier Regulation (BERF) 1871-ah Mizoram ami cheng sa – schedule tribe ni loin ram an neih hi khap a ni. India-a zalen hnu ah India Independence Act 1947 hmangin adopt chho, state kan nih thlengin a la valid reng tih a sawi.
“Chumi hmang chuan kan inremna thuthlungah Article 371(G) hi awm miah lo mah se, a lo awm daih tawh a, 371(G) hi thil awm sa ziah nawnna a ni a, thil thar pakhatmah a awm lo. BEFR ah hian 371(G) ami hi a awm sa vek tawh,” a ti.
Tribal-in non tribal hnenah ram a hralh thiang loa, neitu nihna a hlanchhawng thei loa, state sawrkar remtihna chauhin a theih tih chief minister hian sawiin, chumi hmang chuan sawrkar laipui hnuaia awm reng reng, state sawrkarin a mamawh ve ang chi chu he dan hnuaiah hian sawrkarin a remtih ang chin chu a pe tih a sawi a ni.