Artui chungchanga mithiam te zirchianna neih thar

Artui chungchanga mithiam te zirchianna neih thar
Artui-ah hian protein a tam a, chutihrualin cholesterol pawh a tam. Mithiam te pawh artuiin taksa hriselna a \ha zawng emaw a chhe zawng emaw a a nghawng theih danah hian an inhnial tawp hleithei lo. |henkhatin artui chu taksa hrisel nan a \ha an ti a, \henkhatin artui ei nasat chuan lung lam natna risk a tisang a, cholesterol kaihhnawih natna risk a tisang niin an sawi ve thung. Tunah mithiam ten zirchianna an neih thar a\anga an hmuh dan chuan nitin artui pumkhat leh a chenve ei ziah hian artui ei ngai lo te aiin lung lam (cardiovascular) natna risk a sang hret zawk niin an sawi.
Times of India-in a tarlan danin Northwestern University hnuaia Feinberg School of Medicine a mithiam ten tunhmaa zirchianna lo awm tawh paruk a\angin data an la khawm a, tichuan puitling 30,000 vel nitin ei leh in, kum 17 chhung lanna data chu kawng hrang hrangin an chingchip leh ta a, chutah an hmuh dan chuan nitin artui pum khat leh a chanve ei ziah te chuan artui ei lo te aiin lung lam natna neih theihna risk 17%-in an nei sang zawk niin an sawi. Mahse, artui chu engtianga siamin nge an ei- a chhum nge a kan, engin nge an kan- butter leh tel pangngai tih te pawh tarlan a ni lo.
Zirchianna neitute zinga pakhat chuan, “Artui hi mi tam takin kan ei nasat a ni a, he zirchianna avang hian artui ei loh tawp lam aiin ei dan chintawk neih thiam a, kan ei leh inah thil chi hrang hrang kan ei lawr thiam a paiwmawh tih kan inhrilh hriat hi a pawimawh. He zirchianna hian eng emaw chu a hrisel lo a, eng emaw chu a hrisel tih lampang tarlan a tum ber a ni lo a, kan diet-ah chaw chi hrang hrang kan ei kual a, thil chi khat rin deuh tlur a \ha lo tih lam inhrilh hriatna tur zawk a ni,” a ti.