Mizoram district pahnihah African Swine Fever (AsF) hri finfiah a ni phawt a, district dang pakhatah finfiah leh niin, chumi hnuah district dangah hmuh leh a ni. Mizoram district pali-ah he hri hi kuminah finfiah a ni ta.
April ni 5-a AH&Vety department report-ah Lunglei district-ah ASF vanga vawk thi a awm a, he district-ah hian ASF finfiah a ni. A hmain Mamit leh Lawngtlai district-ah finfiah a ni phawt a, April ni 4 report-ah Siaha district a tel ta, a tukah Lunglei district a tel ve leh.
District pali-a veng leh khua 39-ah ASF hi kuminah finfiah a ni ta. Finfiah a nihna khua leh vengah vawk a thih belh bakah hmun dangah he hri hi hmuh thar a ni mek bawk.
AH&Vety department report-a a lan danin, Lunglei district-a ASF an hmuh tharna hi Lunglei khawpui chhunga Lunglawn leh Luangmual te a ni a, April ni 5 khan Lunglawnah vawk pakhat a thih bakah vawk 14 tihhlum a ni. Luangmualah hian vawk pahnih a thi. April ni 6-ah Lungleiah vawk thi a awm lo hlauh a, vawk pathum tihhlum a ni thung.
ASF hi 2021-ah Mizoramah finfiah a ni a, hemi hnu hian he hri hi Mizoramah kum tin a la leng. 2024 thleng khan ASF vang hian Mizoramin vawk 1,11,660 a chan tawh; hri vangin vawk 62,301 a thi tawh a, hri vangin vawk 49,359 tihhlum/suat (cull) a ni tawh bawk.
Kuminah ASF vangin vawk 1163 a thi tawh a, vawk 372 tihhlum a ni tawh.
ASF hmuh belh leh tawh
Get real time updates directly on you device, subscribe now.
Next Post