African Swine Fever (ASF) vangin Mizoramah vawk a thi nasa a, he hri hian a vanglai a thleng mekah ngaih a ni. Vawk a la thih belh zel a, hri vanga suat pawh a la pung zel.
AH&Vety department-in an chhinchhiah danin July ni 21 thleng khan ASF vang hian kuminah vawk 6791 a thi tawh a, he hri vang hian vawk 12808 tihhlum (cull) a ni tawh bawk.
ASF natna hi tihdam theih loh a nih avangin vawkin a veiin a hri a darh loh nan tihhlum/suat a ni thin a ni.
ASF hi 2021-ah Mizoramah hmuh a ni a, hemi kumah hian vawk 33,417 a thi. 2022-ah a leng leh a, mahse a hma kum aiin a tlem, vawk 12,795 a thi. 2023-ah khan a nasa lo a, vawk 1039 a thi. Kumina thi zatin nikuma thi zat a khum nasa tawh hle. Natna vanga vawk thi bakah suat a tam tham bawk a, he hrileng vang hian Mizoramin vawk a chan nasa hle.
Kuminah hian ASF vanga vawk thi hmasa ber chu February ni 9-a mi a ni a, April vel atangin hri hi a hluar a ni. Khaw 183-ah ASF hi kuminah hmuh a ni tawh.
AH&Vety department hotute chuan June leh July velah ASF hrileng hian a vanglai a thleng thin an ti a, August velah chuan a zia mai an beisei.
ASF vangin vawk thih belh zel
Get real time updates directly on you device, subscribe now.
Prev Post
Next Post