Asian Games-a taekwondo khel tur Muanpuia leh Huma

Taekwondo Federa-tion of India buatsaiha 19th Asian Games Hung-zhau-a India aiawh tur thlanna chu June ni 36, 2023 khan Nadiad, Guja-rat-ah zawh fel a ni a, poomsae inelnaa khel tur thlanchhuahah Lal-thlamuanpuia (Venghlui) leh Daniel Lalhumthanga (Chhinga Veng) an tel.
India aiawh tur thlan-naa tel tur hian National Senior Championship hnuhnung ber medalist leh international player atanga koh an ni a, Mizo naupang pali – Lalthla-muanpuia, Daniel Lal-humthanga, H. Vanlalfela leh Hmangaihzualite chu poomsae huangah koh an ni. An pali zingah hian pahnih tlingin, pahnih erawh an tling zo ta lo.
Poomsae selection hi round thuma khelh tir an ni a; first round -ah poom-sae pahnih theuh khelhtir an ni a. An point score that dan milin Seeded 1 to 10 siam a ni a, Muanpuia’n a score tha ber a, seeded 1-ah awmin, Daniela parukna, H. Vanlalfela 11-naah an awm a; hmei-chhe inelnaah Hma-ngaihi chu pasarihna a ni.
2nd round hi knock out system niin, seeded sang leh hniam an intum leh vek a, Muanpuia’n Manipur mi tumin a hneh a; Daniela pawhin amah aia seeded sang Aruna-chal player tumin a hneh bawk. Hmangaihi leh Felate’n an tumpui Karna-taka mi ve ve an hneh lo.
Final round lut mi pangate hi chu poomsae pahnih theuh hmangin an inel leh a, a tawp thlengin Thlamuanpuia chu pakhatna a ni a, SSCB player-in a dawt a, Daniela chu pathumna a rawn ni chho ta a ni.
Final result ang hian Asian Games-ah chuan Thlamuanpuia’n Indivi-dual a khel ang a, SSCB aiawhin pair khelin, Daniela erawh reserve player a ni thung ang.
Thlamuanpuia leh Daniela-te hian South Asian Games 2019 khan gold an lo la tawh a ni.
Asian Games hma hian India ram chhung bakah ram pawnah training an kalpui dawn a, an lakah beiseina sang tak an nei tih MATA general gecretary leh selection board member-te’n an sawi.
India aiawh thlannaah hian MATA GS Master Joseph Thansanga chu selection board member tura koh a nih angin a kal.