Assam-ah internet tithi lailawk
Assam sorkar chuan hnalak exam a buatsaih leh avangin nimin, pathianni khan zing dar 8:30 atanga tlai dar 4 thleng Assam ram pumah mobile internet service a titawp. Tun hi thla hnih chhunga hetiang thil a tih tum thumna a ni.
Zirtawpni khan thupek tichhuakin, mobile internet, mobile wifi leh mobile data service te chu zing dar 8:30 atanga tlai dar 4 thleng tihtawp a nih tur hi sorkar chuan a chhuah a, hei hi dik leh langtlang taka exam buatsaih a nih theih nan leh dan leh thupek chungchanga buaina a awm lohna tur a nih thu thuchhuahah chuan sawi a ni.
Hemi hma September thla pawh khan state-level recruitment commission chuan exam neih laiin mobile internet service hi a lo titawp lailawk tawh bawk.
Assam addl. chief secretary, Home and Political department changtu ni bawk Ajay Tewari chuan, Mobile phone application thenkhat hmanga mi rilru dik lote’n thil dik lo an tih loh nan leh exam kalpui danah felhlel a awm loh nan mobile internet service tihtawp chu thutlukna siam makmawh a ni thu a sawi.
Assam-ah internet tithi lailawk
Get real time updates directly on you device, subscribe now.
Next Post