Assembly Session nei dawn

Ni hnih awh Mizoram State Legislative Assembly fur thutkhawm chu vawiin atangin tan a ni dawn.
Thudawn danin, tun tum thutkhawmah hian sawrkar dan siam thar tur leh dan awmsa siamthat rawtna panga a lut a. Chu’ng zingah chuan Social Welfare department atangin kutdawh khapna dan siam rawtna – The Mizoram Prohibition of Beggary Bill 2025 leh The Mizoram Private Placement Agency (Amendment) Bill 2025 a tel.
Official Resolution pakhat, Environment, Forests & Climate Change department atangin a lut a. House-a kaa chhan chi (starred question) 350 leh ziaka chhan chi (unstarred question) 124 a lut tawh a ni.
Tun tum fur thutkhawm hi Legislative Assembly 9-na kal meka thutkhawm vawi 5-na tur a ni a. Session tan ni ah hian Dampa bialtu MLA chatuan ram pan ta Lalrintluanga Sailo sunna hun hman a ni ang.