AstraZeneca ten vaccine titawp

AstraZeneca te chuan an Covid-19 vaccine chu khawvel pum huapin an lakkir tan tak thu an sawi a. A hma lawkin British pharmaceutical company te chuan an vaccine chuan side-effect a nei thei tih an pawm thu an sawi bawk. He vaccine hi AstraZeneca leh Oxford University te siam niin Serum Institute of India chuan Covishield tiin a siamchhuak thung.
Vaccine siamtute chuan khawvel pum huapa lakkir leh an tanna chhan chu commercial thil vang tiin Covid-19 vaccine chuangliam a tam tawh vang tiin The telegraph chuan a tarlang a. An vaccine siam chu vaccine dang variant thar zawk te do thei tura siam te chuan an luahlan tawh tiin AstraZeneca te chuan an sawi bawk.
Company te chuan European Union a ‘marketing authorisation’ chu an hnuhdawh tawh thu sawiin vaccine chu an siam chhunzawm tawh loh thu leh hman theih ni tawh lo an ti bawk a. Chutiang bawkin khawvel ram hrang hranga lo hman tawhnaah pawh an hnukkir vek dawn bawk a ni.
Pharmaceutical giant te hian UK ah chuan 100 million pound lawsuit hmachhawn mek thungin Covid jab chuan thihna leh inhliamna mi tam tak hnenah a thlen a ni an ti a. AstraZeneca te pawhin February thla khan court hnenah Covishield chuan ‘TTS or Thrombosis leh Thrombocytopenia Syndrome a thlen thei’ tiin an sawi bawk.
TTS hian blood clot siamin leh blood platelet count tihniam vak theiin hei vang hian UK ah ringawt mi 81 in nunna an chanphah nia sawi a ni a. Mahse, vaccine siamtute chuan Covishield an hnuhdawhna chhan chu court case nena inzawmna nei a ni lo an tithung.
“Vaccine avangin aa kumkhatnaah nunna 6.5 million chhanhimin a wm a, khawvel pumah vaccine dose 3 billion semchhuah a ni bawk. Kan hmalakna te chu sorkar hrang hrang ten pawmin global pandemic tihtawp a nih theih nana paiwmawh tak a ni. Mahse, Covid-19 vaccine variant hrang hrang hneh thei siam a nih tawh avangin vaccine update chuangliam a a awm tawh a. Tunah chuan kan chapter te tihtawp kan tum ta a ni” tiin AstraZeneca te chuan thuchhuah an siamah an tarlang.