Astronaut designates te phochhuak

Group Captain Prasanth Balakrishnan Nair, Group Captain Ajit Krishnan, Group Captain Angad Pratap leh Wing Commander Shubhanshu Shukla te chu Indian Air Force (IAF) pilot pali chu kum 2025-a Gaganyan human spaceflight mission atana ‘astronaut designates’ te an ni.
An hming te hi Prime Minister Narendra Modi chuan Vikram Sarabhai Space Centre (VSSC) Thiruvanathapuram a tlawhnaah lailanin a awm ta a, an pali zing atang hian final crew tur thlanchhuah an la ni leh dawn a ni.
Heng mi pali te thlanchhuah nan hian selection process khauh leh hautak zet mai kalpui a ni a, space flight kaihhnawih hrang hrangah training la in a hmasa berah Russia an an training phawta chumi hnuah Astronaut Traning Facility, Indian Space Rsearch Organisation (ISRO) te siam Bengaluru ah an nei leh a ni.
ISRO te chuan Gaganayan programme chu India in Low Earth Orbit (LEO) a human space flight mission a kalpui a nih thu an sawi a. He mission hmang hian Indian human space exploration programme chu hun rei tak kalpui tum a ni bawk.
LEO crewed mission kalpui hma in ISO chuan test hrang hrang kalpui hmasa phawt dawnin chung zingah chuan Integrated Air Drop tests, Test Vehicle Missions, pad Abort Tests te kalpui a ni ang a. Mihring te kahchhuah an nih tak tak hma in unmanned flight a enchhin phawt a ni bawk ang.
Prime Minister Modi chuan Gaganyaan Mission atana technical facility pathum Rs 1,800 crore lai senga siam chu ram tan hlanna a nei bawk a. Chung te chu VSSC a state-of-the-art Trisonic Wind Tunnel te, Satish Dhawan Space Centre, Sriharikota a Polar Satellite Launch Vehicle (PSLV), ISRO Propulsion Complex (IPRC) Mahendragiri, Tamil Nadu a Semi-cryogenic Integrated Engine and Stage Test Facility (SIET) te pawh a tel a ni.